ரேஷன் கார்டில் இருந்து பெயர் நீக்கம் செய்ய :
இன்று ஸ்மார்ட் ரேஷன் கார்டில் உள்ள குடும்ப உறுப்பினர்களின் பெயரை எப்படி ஆன்லைனில் நீக்கம் செய்வது எப்படி என்று பார்க்கலாம். பொதுவாக புதியதாக திருமணமான தம்பதிகள், தனிக்குடித்தனமான சென்றால் தங்களுக்கென புதிய ரேஷன் கார்டு வாங்குவற்காக பெயர் நீக்கம் செய்வார்கள். ஒரு குடும்பத்தில் இருந்த பெண்களை வேறோரு குடும்பத்திற்கு திருமணம் செய்து கொடுத்தாலோ அல்லது வேறு ஏதேனும் சில காரணத்துக்காக ரேஷன் கார்டில் உள்ள பெயரை நீக்கம் செய்வார்கள். எப்படி ஆன்லைனில் பெயர் நீக்கம் செய்வது?
இதற்காக நீங்கள் tnpds official website tnpds.gov.in என்ற வெப்சைட்டிற்கு செல்லவும். அதில் மின்னணு அட்டை தொடர்பான சேவைகள் என்பதன் கீழ், குடும்ப உறுப்பினர் நீக்க என்பதை Click செய்யவும். இதன் பிறகு உங்களது குடும்ப அட்டையுடன் இணைக்கப்பட்டுள்ள தங்கள் 10 இலக்க மொபைல் நம்பர் கேட்கும். அதில் உங்களது ரேஷன் கார்டில் கொடுத்த நம்பரை கொடுத்து, அதன்பிறகு அதன் கீழுள்ள கேப்ட்சா குறியீடு எழுத்துகளை பதிவிட்டு கிளிக் செய்யவும். இதன் பிறகு உங்களது பதிவு செய்யப்பட்ட மொபைல் எண்ணுக்கு ஒரு OTP எண் வரும்.
ரேஷன் கார்டில் குடும்ப உறுப்பினர் நீக்க:
இதன் பிறகு ஓடிபியை எண்டர் செய்து கிளிக் செய்தால், அடுத்த வெப் பக்கத்திற்கு செல்லும். அதில் ஏற்கனவே உங்களது ரேஷன் கார்டில் யார் யார் பெயர் உள்ளது. அவர்களது விவரம் உள்ளிட்ட விவரங்கள் இருக்கும். அதற்கும் கிழே வந்தால் குடும்ப உறுப்பினர் நீக்க என்ற ஒரு ஆப்சன் இருக்கும். நீங்கள் பெயரை நீக்க வேண்டும் எனில், அதனை கிளிக் செய்ய வேண்டும். பிறகு மற்ற ஆவணங்கள் என்ற பாக்ஸ் இருக்கும். அதில் தேவையான சான்றிதழ்கள் அதாவது இறப்பு சான்று, திருமண சான்றிதழ், தத்தெடுப்பு சான்றிதழ், இதர சான்றிதழ்கள் என இருக்கும். அவற்றில் எது உங்களுக்கு பொருத்தமானதோ, உங்களிடம் உள்ளதோ அதனை Upload செய்ய வேண்டும்.
வேறு என்ன சான்றிதழ் தேவைப்படும்?
ஒரு வேளை உங்கள் மகள் திருமணமாகி சென்றால், அவரின் பெயரை நீக்க திருமண சான்றிதழை பயன்படுத்தலாம். இதே வயதான முதியவர்கள் இறந்துவிட்டால், அவர்களுடைய இறப்பு சான்றிதழை கொடுத்து பெயர் நீக்கிக் கொள்ளலாம். இது தவிர கீழ்கண்ட இந்த ஆவணங்களில் ஏதேனும் ஒன்று இருக்க வேண்டும். ஆக மேற்கூறிய சான்றிதழுடன் கீழ்கண்ட ஏதேனும் ஒரு ஆவணத்தினை நீங்கள் பதிவேற்றம் செய்து கொள்ளவும். முக்கிய குறிப்பு : 1MB அளவு இருக்க வேண்டும்.
வாக்காளர் அடையாள அட்டை,
பான் கார்டு,
வீட்டு பத்திரம்,
வாடகை ஒப்பந்த பத்திரம்,
வருமான சான்று,
சிலிண்டர் ரசீது,
கேஸ் புத்தகம்,
மின்சார கட்டண ரசீது
பெயர் நீக்கத்திற்கான காரணம் என்ன?
அதன் பிறகு நீங்கள் எதற்காக பெயர் நீக்கம் செய்ய விரும்புகிறீர்கள் என்ற ஆப்சன் இருக்கும். அதில் பெயர் நீக்கம் எதற்காக என்பதையும் குறிப்பிடுவது அவசியம். அதன் பிறகு பெயர் நீக்கம் செய்யப்பட வேண்டிய கார்டில் உள்ள பெயர்கள் அனைத்தும் உங்களுக்கு வரும். அதில் யார் பெயரை நீக்கம் செய்ய வேண்டுமோ அந்த பெயருக்கு நேராக இருக்கும் ஒரு சிறிய பாக்ஸினை செக் செய்ய வேண்டும். அதன் பிறகு உறுதி படுத்துதல் என்ற ஆப்சன் கீழ் உள்ள பாக்ஸினை செக் செய்து பதிவேற்றம் என்பதை Click செய்ய வேண்டும்.
ஸ்மார்ட் அட்டை தொடர்பான சேவை நிலையை அறிய:
இதனை செய்வதற்கு செக் செய்வதற்கு முன்பு நீங்கள் கொடுத்த அனைத்து விவரங்கள் சரியா என, ஒரு முறை சரி பார்த்து கொடுங்கள். அவை சரியாக இருக்கும் பட்சத்தில் நீங்கள் உறுதி செய்தால் தங்களது கோரிக்கை வெற்றிகரமாக பதிவேற்றம் செய்யப்பட்டு விட்டது என்று வரும். அதோடு உங்களுக்கான குறிப்பு எண் ஒன்றும் வரும். அதனை PDF ஆக அல்லது ஸ்கீரின் ஷாட் எடுத்து வைத்துக் கொள்ளலாம் மிக மிக அவசியம். ஏனெனில் உங்களது கோரிக்கை என்ன நிலையில் உள்ளது என இந்த குறிப்பு நம்பரை பயன்படுத்திக் தெரிந்து கொள்ளலாம். இதற்காக நீங்கள் TNPDS Offical Website ஹோம் பக்கத்திற்கு சென்று, அட்டை தொடர்பான சேவை நிலையை அறிய என்பதை Click செய்து குறிப்பு எண் பதிவு செய்து விண்ணப்ப நிலையை தெரிந்து கொள்ளலாம்.